ବନ୍ଧୁ - ରୁଦ୍ର ନାରାୟଣ ସାହୁ
ବନ୍ଧୁର ବନ୍ଧୁତା ବହୁ ନିବିଡ଼ତା
ବନ୍ଧ ହୀନ ଏ ସମ୍ପର୍କ ।
ବନ୍ଧୁତାର ମୂଲ୍ୟ ହୀରାଠୁ ଅମୁଲ୍ୟ
ସବୁ ଭାବରୁ ଏକକ ।।
ବନ୍ଧୁର ବନ୍ଧୁତ୍ୱ ହୁଏ ତ୍ୱରାନ୍ନିତ
ସ୍ୱାର୍ଥକୁ ଆଡେଇ ଦେଲେ ।
ରହେ ଚିର ଦିନ ନହୋଇ ଅକ୍ଷୁଣ୍ଣ
ବୁଝାମଣ| ମଧ୍ୟେ ଥିଲେ ।।
ସେନେହ ଶରଧା ସାହାଯ୍ୟରେ ବନ୍ଧା
ବନ୍ଧୁତ୍ୱର ମାପ କାଠି ।
ସୁଖରେ ଦୁଃଖରେ ହାତ ସେ ପ୍ରସାରେ
ନିଜ ସ୍ୱାର୍ଥ ଭୁଲି ସେଠି ।।
ଜାତି ଧର୍ମ ବର୍ଣ ଉଚ୍ଚ ନୀଚ୍ଚ ମନ
ରହେନି ବନ୍ଧୁ ଆଗରେ ।
ଭାବେ ଆତ୍ମୀୟତା ଚାହେଁ ଉତ୍ତମତା
ଦୁଃଖ ନ ଦିଏ ମନରେ ।।
ଆତ୍ମାକୁ ତୁମର ବୁଝେ ସେ ନିଜର
ଛାୟା ପରି ରହେ ସାଥେ ।
ଅଜାଣତେ ସିଏ କଣ୍ଟାକୁ ଘୁଞ୍ଚାଏ
ଶାନ୍ତି ଭରେ ଚଲା ପଥେ ।।
ସ୍ୱାର୍ଥପର ବନ୍ଧୁ ପ୍ରେମ ତାର ବିନ୍ଦୁ
ଦେଖାଏ ସେ ସିଂଧୁ ପରି ।
ସ୍ୱାର୍ଥ ସଲା ପରେ ମାରନ୍ତି ଗୋଡରେ
ଛାଡି ଯା'ନ୍ତି ପର କରି ।।
ସମ୍ପର୍କ ଗଢନ୍ତି ସ୍ୱାର୍ଥକୁ ଦେଖନ୍ତି
ବନ୍ଧୁର ଛଳନା କରି ।
ଏ ପରି ବନ୍ଧୁର ବନ୍ଧୁତ୍ୱକୁ ଡର
ରୁହ ତାକୁ ପର କରି ।।
ବରମୁଣ୍ଡା ସାହି, ଶିଆରିମାଳିଆ
ପାଳଲହଡା, ଅନୁଗୁଳ
Post a Comment